
طريقة تحضير فرايد رايس وصفة سهله لذيذة جدا لرمضان
طريقة تحضير فرايد رايس وصفة سهله لذيذة جدا لرمضان
فرايد رايس....
هو يطبق عادة بطريقتين
اما نعمل رز ابيض ونخلط معه الحشو
الحلو ف هالطريقه تكون الالوان فريش
بس ما يعجبني الطعم
او..
نضيف العيش مباشرة للحشو ونحمسه شوي ونضيف
الماي ومن ينشف وبعد ما ينضج يتقدم
هنا الطعم اوكيه بس الالوان تكون ماتت 
وبما اني محبه للألوان والطعم في الفرايد رايس
ف جربو طريقتي والاكيد بتعجبكم
نبدأ...؟؟!
بسم الله
نسوي اول العيش
المقادير واضحه في الصوره
بصل..فلفل اخضر صويا صوص ..مكعب ماجي ..وعيش
ونصفي العيش المغسول والمنقوع انا مستخدمه 3 اكواب
نقلي البصل مع الفلفل دقيقه ..
نضيف العيش المصفى والماجي والصويا صوص تقريبا ربع كوب
نقليه على نار متوسطه دقيقتين وننتبه يحرك فقط بملعقة طعام عشان م يتكسر
نضيف الماء المغلي مو مرقة الدجاج لانها قويه
وتضيع الطعم كله
نخليه ينشف ونهدي النار ونتركه ينضج
الحين ننتقل للمرحله الثانيه الحشووه
جزره ..فلفل رومي ..كوب خضره مشكله..
ثوم ..زنجبيل..فلفل اخضر حار..
بصل اخضر 3 اضعاف المصوره
دجاجه مطبوخه ومقطعه قطع صغيره
كيلو روبيان مقشر ومنظف واذا ما عندكم فريش
استخدمو روبيان ماركة امريكانا رهيب طعم وحجم
لا تستخدمو غيرها لانه ما ينفع
ملفوف بس ما صورته..
نقلي الروبيان في ملعقة طعام زيت على نار وسط دقيقتين
وعادي لو طلع ماي
وناخذ نصف الكمية ونضيفها للعيش مع الماي اللي بيطلع
للنكهه
والنصف الثاني نحطه على طرف
وفي نفس المقلى نضيف 2ملعقة طعام زيت
والجزر المقطع اصابع رفيعه جداً جداً جداً عشان ينضج
نقليه دقيقتين
نضيف ثوم وفلفل اخضر حار وزنجبيل مقطعات شرائح رفيعه جداً جداً جداً
ونضيف ملعقه طعام سمسم ممكن تقللو عادي
ونص مكعب ماجي وربع كوب صويا صوص
نحركهم ثواني
نضيف الدجاج المقطع والباقي من كمية الروبيان ونحركه دقيقه
نضيف الفلفل الرومي المقطع اصابع رفيعه جداً جداً جداً
والملفوف المقطع بشكل طولي رفيع جداً جداً جداً
وطبعاً الخضره المشكله ونحركهم دقيقه
نحط العيش في قدر وااااااسع عشان نكون مرتاحين لما نخلطه
نضيف الحشو والبصل الاخضر المقطع
نخلطهم بشويش بشوكه
وحاااااااان وقت التقديم
هني وعافيه على قلوبكم مقدماااااا
احترامي
'vdrm jpqdv tvhd] vhds ,wtm sigi g`d`m []h gvlqhk